La orixinal esposición en Cangas del Narcea que nun se puede perder: la historia minera cobra vida al traviés de Playmobil

Cangas del Narcea axunta a la so ufierta cultural una propuesta tan orixinal como didáutica que promete atraer a públicos de toles edaes. Sol títulu «Playmineros: la evolución de la minería», l’Aula Asociación Memoria Minera, asitiada na céntrica cai Pelayo, entamó una singular esposición temporal protagonizada poles emblemátiques figures de Playmobil. L’amuesa, qu’abrió les sos puertes el 20 de marzu pasáu, y va permanecer instalada hasta’l próximu 19 d’abril de 2026, propón un percorríu históricu y visual pol oficiu mineru sol suxerente lema «la minería como nunca la vieres».