La intelixencia artificial meyora l’atención d’urxencies nel hospital de Mieres

L’Hospital Vital Álvarez Buylla de Mieres, centru de referencia del área sanitaria de la comarca del Caudal, va entamar nes próximes selmanes dos programes piloto anovadores qu’integren la intelixencia artificial (IA) na atención médica. L’oxetivu, esplica’l Gobiernu asturianu, ye «facilitar la toma de decisiones na valoración de prebes radiolóxiques». Más p’alantre, van testase otres dos ferramientes que van ayudar a identificar lesiones dermatolóxiques.