El conceyu de Cuaña reconoz a la Banda de Gaitas «El Trasno» como guardianes de la tradición y el folclore asturianu

La Banda de Gaitas «El Trasno», nacida en Cuaña en 1999, na Escuela de Música Municipal baxo la direición del reconocíu músicu Javier Tejedor, recibió’l domingu pasáu’l máximu galardón qu’apurre’l conceyu «Profetas en nuestra tierra». Un reconocimientu que s’apurrió nel marcu de la Feria Agroarte y qu’estrema a los integrantes de l’agrupación musical «como guardianes d’historia, como defensores de tradición, como divulgadores d’un legáu que nun tien preciu», destacó l’alcaldesa, Rosana González, nel so discursu.