Abril de turismu en Grau, con visites empobinaes gratuites pa conocer los sos palacios indianos, el cascu históricu y los museos de la villa

Abril con actividaes turístiques gratuites en Grau, con feches y horarios estremaos pa que naide qu’allampe por ello quede ensin disfrutar d’una visita empobinada a los estremaos atractivos qu’ufierta’l patrimoniu de la villa. Como cada mes, l’área municipal de Turismu programó los percorríos pel cascu históricu, l’arquitectura indiana o los museos, toos de baldre y duraciones d’ente 50 minutos y hora y media aprosimao, en función del itinerariu que s’escueya.