Mieres entama una nueva actividá de preparación pal eclipse solar d’agostu

Depués de la bona acoyida de les xornaes AstronoMieres, el Conceyu entama una xornada informativa sobre l’eclipse solar del 12 d’agostu. L’actividá qu’impulsa la conceyalía de Turismu, dirixida por Álvaro González, va tener llugar esti xueves 4 de xunu, de 19 a 20.30 hores, nel salón d’actos de la Casa de Cultura de Mieres. Va incluyir una charla y una observación solar si les condiciones meteorolóxiques lo permiten.