La Unidá d’Hemodiálisis del Hospital Carmen y Severo Ochoa estrena certificación de calidá

La Unidá d’Hemodiálisis del Hospital Carmen y Severo Ochoa llogró la certificación de calidá UNE-EN-ISO 9001:2015, un nuevu finxu pal centru sanitariu de Cangas del Narcea. «Esti distintivu nun ye namás un diploma na paré, sinón que ye’l reflexu del esfuerzu diariu de los nuesos profesionales por ufiertar la meyor atención posible a los nuesos pacientes», señala’l direutor d’Atención Sanitaria y Coordinación Territorial del centru, Enrique Sommer.