«La Quimera», un puntu d’alcuentru en Xixón pa cinéfilos con revista y festival

La idea surdió en participando dellos de los sos integrantes nos cursos de cine de la Universidá Popular. Establecieron un venceyu y el branu pasáu, en xunetu, decidieron montar una asociación, «La Quimera», cola idea de facer un cineclub, axuntase ensin saber la película que se diba echar, y comentala y analizala dempués. Esi porgüeyu pol cine foi creciendo, al empar que diben axuntando integrantes, hasta llegar a los 70 actuales. Y en tou esi ambiciosu viaxe «La Quimera» yá asitió, hasta’l puntu d’ellaborar una revista con crítiques y entrevistes, titulada «Criterio», de la que yá se publicó’l primer númberu impresu. Y d’equí a pocos díes yá se pondrán, xunto al colectivu Xega, pa entamar ente los díes 4 y 8 de xunu un ciclu de cine LGTBI.