El llobu ibéricu tien xenes de perru y esi podría ser el motivu del so acercamientu a les cases, revela un estudiu

El llobu ibéricu tien xenes de perru. Asina lo desveló un estudiu ellaboráu por investigadores d’España y Portugal, qu’aseguren qu’esta firma xenética única (nun la tienen otres poblaciones de la mesma especie) podría influyir nel so comportamientu y adaptación. El trabayu, lideráu pol Centru d’Investigación en Biodiversidá y Recursos Xenéticos de la Universidá de Porto y nel que participaron investigadores del Institutu Mistu d’Investigación en Biodiversidá de la Universidá d’Uviéu y del CSIC, apurre nuevos datos sobre la particular adaptación del llobu ibéricu a persistir en paisaxes humanizaos. Y, arriendes d’ello, a averase a les cases y atacar al ganáu.