Denuncien que se discrimina l’asturianu nun máster de la Universidá

Alumnos del máster en Formación del Profesoráu denunciaron «torgues» y «acosu» pa poder espresase n’asturianu, la so especialidá formativa. «Dende principios de cursu, recibimos amenaces sobre baxaes de nota si facíemos los trabayos y los exames n’asturianu alegando una incomprensión de la llingua», aseguren. Magar ello, dalgunos siguieron usando l’asturianu y sacantes ún toos fueron correxíos.