Asturies recibe 19,5 millones pa llevar el 5G a los conceyos pequeños

Asturies va recibir 19,5 millones d’euros pa esparder la rede 5G a conceyos de menos de 10.000 habitantes. Esta ayuda, per aciu de la Secretaría d’Estáu de Telecomunicaciones ya Infraestructures Dixitales, enxaretase na convocatoria 2024 del programa UNICO Redes Actives. Con esta nueva inversión, cuéntase con llegar a 273 allugamientos del Principáu. Nel conxuntu d’España, axudicáronse 161,3 millones d’euros p’ampliar la cobertoria 5G a 326.000 persones.