Treelogic, tercera tecnolóxica asturiana que va cotizar en Bolsa

Treelogic prepárase pa ser la tercer compañía tecnolóxica asturiana que cotice en Bolsa, xunto con Izertis y Seresco. Amás, esta empresa con sede n’Uviéu tien entamada una ampliación de capital por valor de 5 millones d’euros. L’oxetivu d’estes operaciones ye da-y puxu al crecimientu de la compañía pa «doblar el so tamañu», según apuntó’l matemáticu entreguín Marcelino Cortina, conseyeru delegáu de Treelogic.