Les tecnolóxiques d’Asturies tán yá perriba de los 10.000 trabayadores

El sector de les tecnoloxíes de la información y la comunicación (TIC) n’Asturies zarró’l primer trimestre del añu con 10.768 trabayadores, una cifra récord que representa’l 3% del empléu d’Asturies. Asina lo destacó va unos díes Patricio Arias, presidente del Clúster TIC, na asamblea xeneral de l’asociación sectorial, onde fexo’l balance d’una actividá qu’estos díes rescampla especialmente depués del apagón eléctricu que sufrió la Península Ibérica’l llunes, y del que nun se refuga que pudiera debese a un ciberataque.