Les sanciones a los pisos turísticos n’Asturies cuasi se doblaron l’añu pasáu

Les inspeiciones a pisos turísticos muntiplicáronse por siete nel últimu añu n’Asturies, mentanto que les sanciones tuvieron cerca de doblase. La vicepresidenta del Principáu, Gimena Llamedo, destacó esti día la importancia de les cifres, que sofiten l’apuesta del Principáu por consiguir un desenvolvimientu turísticu «sostenible, equilibráu y respetuosu cola redolada». «Queremos siguir atendiendo la calidá de vida de los asturianos y meyorando la esperiencia d’aquellos que deciden visitanos», afirmó. Porque «la llegalidá y la calidá van de la mano».