El festival de música El Vesu va sirvir un aperitivu a finales de mayu con estos dos grupos

El Vesu empieza a cuntar los díes que falten pa la penúltima fin de selmana de xunu (del 20 al 22), cuando’l festival de música independiente va esplegar el so cartel, encabezáu por «León Benavente» y la británica «Porridge Radio», ente les localidaes de Güeñu (La Ribera) y Uviéu. Nesi calendariu va haber, un mes primero, una parada en forma de fiesta de presentación. La organización anunciólo va unos díes, va ser el 31 de mayu nel escenariu de Kuivi Almacenes, n’Uviéu, con un conciertu doble a partir de les 21.00 hores (18 euros) protagonizáu poles madrilanes «Shego» y los locales «Puño dragón». Elles, con una trayeutoria mui celebrada de neñes males con pop de postura punk, van presentar el so últimu trabayu, «No lo volveré a hacer». Ellos, rock’n’roll canalla a la so manera, van siguir colos cantares del so nuevu «Juegos violentos».