EDP y Magtel puyen pa construyir una gran central hidráulica de bombéu en Tinéu

La multinacional enerxética EDP, que tien una filial n’España cola so sede n’Uviéu, y la empresa cordobesa Magtel puyen pa construyir una gran central hidroeléctrica de bombéu en Tinéu que va xenerar y va almacenar enerxía aprovechando l’embalse de La Barca. Dambes compañíes presentaron solicitúes nel concursu que convocó’l Ministeriu pa la Transición Ecolóxica p’axudicar los 354 megavatios (MW) de potencia que lliberó na rede eléctrica’l zarru de la central térmica de carbón de Naturgy en Soutu la Barca. Nun hai sitiu más que pa un nuevu proyeutu d’envergadura.