Conferencia d’Inaciu Galán sobre l’asturianu n’A Coruña

L’escritor y miembru de númberu de l’Academia de la Llingua Asturiana Inaciu Galán pronunció va unos díes n’A Coruña, en Portes Ártabras-Amigos dos Museos de Galicia, una conferencia sobre la llingua y la lliteratura asturianes. Galán ta a puntu de concluyir la «residencia xacobea de traducción» que la Xunta de Galicia-y otorgó pa la ellaboración d’una antoloxía de poetes mozos qu’escriben en gallegu, y qu’él ta tornando la so obra al asturianu. L’asturianu agospióse a lo llargo d’un mes na «Residencia Literaria 1863», que dirixe la poeta y Premiu Nacional de Poesía 2023 Yolanda Castaño.