Claudia Piñeiro y John Banville van abrir la XXXVIII Selmana Negra nuna edición con una amuesa dedicada a la historieta asturiana

La dramaturga y guionista arxentina Claudia Piñeiro y el novelista irlandés John Banville –que firma les sos narraciones policiaques col pseudónimu de Benjamin Black– van ser los autores que van abrir la trixésima octava edición de la Selmana Negra’l próximu 4 de xunetu, nuna xornada inaugural que, como davezu los últimos años, va tener actividá más allá del corte de la cinta. La presencia d’estos dos autores, que s’axunten a otros yá avanzaos, los mesmo que los homenaxes a Ángel González y a Mariano Antolín Rato, fueron dos de los aspeutos más destacaos esti día por Miguel Barrero, direutor de la Selmana Negra, del programa de la nueva edición del festival lliterariu, con una esposición principal va xirar alredor del cómic, y que depués del ésitu de los actos celebraos en Llanera, va abrir un tercer «frente» en Mieres.