Asturies, un imán pal turismu: estos son los cinco llugares que se colen ente los “más guapos de España»

Les cinco localidaes asturianes integraes na asociación «Los Pueblos Más Bonitos de España» axuntaron l’añu pasáu cuasi 2,8 millones de visitantes. Esta cifra asitia a Asturies nel cuartu puestu del ranking provincial, namás per detrás de Baleares (5.453.689), Almería (3.239.119) y Cantabria (2.976.170), y per delantre de grandes potencies turístiques, como Cádiz (2.763.074) o Castellón (2.341.483). El principal problema que’l coleutivu ve nel Principáu ye la «alta estacionalización turística».