Soledá, ansiedá y depresión: asina respuende’l Teléfonu de la Esperanza a miles de llamaes cada añu y asina se cunta en Salas

Raquel Collada, téunica de proyeutos de l’asociación Teléfonu de la Esperanza d’Asturies (el 717), impartió’l xueves pasáu una ponencia nel marcu de la novena edición de les Xornaes de Salú de Salas. Nella, Collada dio cuenta del llabor que s’entama nel Teléfonu de la Esperanza, que se centra na prevención y promoción de la salú emocional les 24 hores del día los 365 díes d’añu. Ye un serviciu d’atención que lleva funcionando mediu sieglu nel Principáu.