La Oficina de la Torna atiende a cerca de 600 persones

La Oficina de la Torna del Gobiernu d’Asturies afítase al cumplir el so primer añu de funcionamientu. Esti recursu, puestu a disposición de los que quieren volver a la so tierra d’orixe, atendió nos sos primeros doce meses a creca de 600 persones y xestionó más de 1.600 consultes rellacionaes con ayudes económiques, orientación llaboral y asesoramientu social. El balance foi ufiertáu va unos díes pola vicepresidenta del Principáu, Gimena Llameno, nel aniversariu entamáu pola direición xeneral d’Emigración y Polítiques de Torna nel que participó la direutora xeneral d’Emigración y Polítiques de Torna, Olaya Romano, lo mesmo que delles persones retornaes.