La Facultá d’Educación va usar la intelixencia artificial na so formación

La Facultá de Formación del Profesoráu y Educación de la Universidá d’Uviéu reinvéntase con un nuevu proyeutu empobináu a alumnos y profesores, centráu en parte na intelixencia artificial. «L’aprendizaxe nun termina al graduase, ye un campu dinámicu. Por eso, creamos ‘EducAvanza’, un plan qu’ufierta una formación de calidá alliniada coles esixencies actuales», esplicó va unos díes la vicedecana de Posgráu, Anovación y Formación Permanente, Lourdes Villalustre.