El dúu asturianu de música folk «L-R» zarra la temporada del videopodcast «Acordes Rurales»

El videopodcast «Acordes Rurales», fechu n’Aragón y que percuerre pueblos españoles exerciendo como altavoz de proyeutos musicales estremaos, remata la so primer temporada con un episodiu en Baselgas (Asturies) pa presentar la propuesta de «L-R», el dúu que formen Leticia González y Rubén Bada. Cola so propuesta de «post folk asturianu», el proyeutu reinterpreta la música tradicional «en clave actual, llibre y mui personal», y asítiase ente la investigación etnográfica y la creación contemporánea.